మార్చిలో వ్రాసిన కవిత

కోడి కూస్తోంది
సెలయేరు ప్రవహిస్తోంది
చిన్ని పక్షులు కిచకిచ మంటున్నాయి
సరస్సు తళతళా మెరుస్తోంది
పచ్చని మైదానం ఎండలో పడుకొని ఉంది.

చిన్నా పెద్దా అందరూ కలిసి
పొలంలో పనిచేస్తున్నారు
పశువులు పచ్చిక మేస్తున్నాయి
వంచిన వాటి తలలు పైకి లేవడం లేదు

ఓడిపోయిన సైన్యం లా
మంచు వెనక్కి పారిపోయింది
అది ఇప్పుడు కొండచరియపై
దాక్కొని ఉంది.

నాగలి పట్టిన రైతు
కూనిరాగాలు తీస్తున్నాడు                                                 
పర్వతాల్లో హర్షం వెల్లివిరిసింది.                                                             
నీటిబుగ్గల్లో జీవం తొణికిసలాడింది
చిన్నిమబ్బులు  తేలిపోతున్నాయి
నీలాకాశం విస్తరించింది
వాన వచ్చి వెలిసింది.

( William Wordsworth   ఆంగ్ల పద్యం   Lines written in March  కు  స్వేచ్చానువాదం.   )