మాతృదేశం

ఆదిశంకర దేవుడవతరించిన దివ్య
ఖండమ్ము; కవికర్షకుండు హలము
కలములం బట్టి బంగారు పంటలను పం
డించినట్టి పొలమ్ము; ఋషులు సురలు
సంచరించిన యట్టి స్థానమ్మిది శివమ్ము;
నటరాజు గిరికన్య నాట్యమాడు
కైలాస శిఖరమ్ము కాలవాలమ్ము; పా
వనగంగ ప్రవహించు ప్రాంగణమ్ము

శ్రీలు పొంగిన గడ్డ; సజీవ నదుల
బెడ్డ ; నాల్గు వేదమ్ముల పీట; పరమ
హంసలను గన్న పరమ సాధ్వి; సుచరిత్ర;
భరత ఖండంబు యిది మన భారతాంబ.

--మూసీ పత్రిక (నవంబర్ 2008) లో ప్రచురితం.